¿Imataq rikchakusqanmanhina usuchiy?

  • Mana wakintahinachu qawan
    Llasaqmanta yachana, Perú suyu Constitución Políticam, iskay yupa articulonpi takyachin, lliw runakunapa kaqkamallapuni leypaq kasqanta, kayna ninanhina, Estadopaqqa lliw runakunam ( warmi –qari) chaynallapuni kanchik. Chayraykum mana pipas wakinta hukmantaqa qawanmanchu sapanta nitaq aylluntinta, mana imamanta nitaq constitucionwan harkasqankunamanta.
    Ichaqa kantaqmi wakinkunapa kasqanmanhina qawarinakuyqa: wiksayuqta, pisisqa runata hinallataq payata; paykunaqa público hinallataq privada institucionkunapi hukniraq qawarina kanku.
  • Imayna kasqaykimanhina utaq yachayniykimanhina
    Imaymanakunam kayninchik hukniraq qawariwananchikpaqqa, ichaqa wakinmi Perú suyupa constitución Politicapa michakusqan kachkan, kay qawarisqanchikpihina imayna kasqanchikmanta utaq yachayninchikmanta. Qatiyninman, qawarichiymanku imaynakuna wakinpa kayninta:

    Rikchakuynintaq- yachaynintaq kayninmanhina:
    Aylluchasqa runakunapa sapa kuti ruwayninkuna, pachakuynin, illankuna, kay munasqan, rimaynin, hinallataq iñiyninkunapas.
    Qawariyllapaq runa imayna kaynin:
    Imaniraq aycha qarayuq, uyampa imayna kasqan, sayaynin, imaniraq chukchayuq utaq hukkunapas.
  • Runayayniyki derechoykikuna harkakuq
    Qawariylla imayna kasqaykirayku utaq yachayniykimanhina hukniraqta wakinkuna qawasusqaykita riqsirquspaykiqa, qatipaykunaykiñam chay ruwasqankuna kirisunaykiraykuchu, yanqanchasunaykiraykuchu, mamarkun derechoykikunata runayaypaq hatalliyniyki utaq ayllu runakunapa harkakunanraykuchu kasqanta. Runa, uku sunqun, qawariylla kaynin hinallataq munayninmanhina qispiynin, chaymanta allin kawsakuyninpa yupaychayninqa Constitucionninchikpi takyachisqa mamarku derechokunam.