kaypi tarinki qillqakunata, rimaysiykunata, maytukunata, aswan allinta yachanaykipaq llamkayninchikmanta
¿IMATAQ ÉTNICO-RACIAL USUCHIKUY?
Kayqa huk runaman utaq huñunasqa runakunaman mana kaqllatachu chaskiptinku, imawanpas taqaptinku utaq imatapas pisiyachiptinku, imayna kasqan rayku (qaran, chukchan, uyan, sayaynin, hukkunapas imaniraq kaptin) hinallataq ayllu llaqtanmanta kasqankuna rayku (mama siminkuna, imayna rimayninkuna, ruwayninkuna, yachayninkuna, pachankuna, siqinkuna, iñiyninkuna, huk kawsayninkuna utaq kikinmanta llaqtayuq kayninta riqsiyninkuna rayku) hinaspa chaykuna rayku kawsay derechunkunata utaq/hinallataq qispiyninkunata pisiyachiptinku.
Kay suyunchikpi ancha rakisqa kaptin apu runakuna wakcha runakunamanta, ima kapuqninkuna hinallataq maymanta kasqankuna aswanta kaykunata wiñachikun derechukuna paqtachiyta qarkaspa, serviciukuna ima kaqkunatapas aypaysiyta qarkaspa, yachachikuyta, allin kawsayta, llamkay aypayta, qasilla kayta, uyarichikuyta, hinallataq hukkunatapas.
¿IMATAQ ALERTA CONTRA EL RACISMO?
Kayqa Ministerio de Culturapa oficial plataforma nisqanmi, chaynintakama willarikuykunata, yuyaychaykunata qunankupaq llapan runakunaman paykuna yachanankupaq racismomanta, étnico-racial usuchikuykunamanta, herramientakunata churaspa chaykunawan usuchikuq kaqkunata riqsinankupaq hinallataq imakunatapas ruwanankupaq.
Sichus qam etnico-racial usuchikuyta chaskichkanki utaq huk usuchikuyta hawachkanki:
