• ¿Imataq chay Radio hinallataq Televisión Watiqaq?

    Chayqa Ministerio de Culturapa plataforma web nisqan, kayqa Consejo Consultivo de Radio y Televisión (CONCORTV) kuskawan ruwasqa, runakunaman mastarinapaq yachaykunata willakuy chayarichiqkuna - radio hinallataq televisiónpi - ima usuchikuykuna kaptin paykuna riqsiyta atinankupaq, hinallataq chaykuna tukuchinankupaq.imakunawan amachakuyta yachanankupaq.

qari warmi peruanukuna mana qawarikunkuchu televisión programakunapi
(Ministerio de Cultura, 2018)
qari warmi peruanukunapa qawarikusqanmanhina televisionpi usuchikuq kaqkunata sapa punchaw mastarikamunku
(CONCORTV, 2017).
qari warmi warmakuna hinallataq wayllankakuna qawarikusqanmanhina qichwa runakunata hinallataq afrorunakunata usuchikunku willakuy chayarichikuqkunapi (CONCORTV, 2016)

¿Imatam maskaniku?

Tukuy niraq llaqtakunata chaninchayta televisionpi hinallataq radiokunapi mastarichiyta munaniku, hinallataq willakuykuna mana pitapas usuchikunanta ayllunkunarayku utaq hukniraq kayninmantarayku. Chaykuna aypanaykupaq kaykunata ruwaniku:

1
Yachachikuykuna, runakuna allinta yuyaymanakuspa qawarinankupaq hinaspa willakuy chayarichiqkunapi sumaq kaqkunallata akllanankupaq.
2
Tukuy niraq kayninchikkunamnta hinallataq ayllunchikkunarayku utaq hukniraq kayninchikmantarayku usuchikuykunamanta yachaymaskariq llamkaykunata hinallataq qillqakunata mastarichiniku.
3
Runakunaman yuyaychaniku willakuy chayarichiqkunapi ayllunchikkunarayku utaq hukniraq kayninchikmantarayku usuchikuykuna kaptin.

 

 

¿Imaynatam qam kay sasachakuykunata tukuchiypi yanapankiman?

4
Yachay imaynatas ruwanayki
Casuykita chayachimuy kay sasachakuy qawarisqa kanampaq. Ñuqayku yuyaychamusqaykiku imaynatas qam ruwankiman sichus qam llaqta aylluykirayku utaq hukniraq kayniykirayku usuchisqa kaptiki.
5
Quejaykita churaykuy
willakuy chayarichiqkunapa kikillanpuni allichakuynin rikurinanpaq. Ñuqayku yachachisqaykiku imayna ruwanaykita
6
Mana usuchikuywan willakuykunata mastarichiy
Comunicadurkunapaq Guiata uraysimuy, chaypi yuyaychaykunata hinallataq allinta ruwananpaq huk kaqkunata tarinki, sasachakuykunata yuyaymanakuspa tukuchiyta atinaykipaq.