PERÚ MARKASANA UÑANAQASATA JISK’ACHASÏWI
81% chani jaqinakatakiwa jisk’achawinakaxa wiñayayawa utji ukata janiwa khitisa uka chhaqtayiti
(MINJUS, 2013)
Uñanaqasata jisk’achasïwi wali tuqintatawa ukata kunaymana taypina uñjasiraki ukasti sapa jaqiru wakisiriru ukata suma jakañanakapa ch’apaqacharaki. Perú markasana utjasirinakaru chiqanxa uka jani walt’awinaka puriraki, sapa panini jaqita mayni jisk’achatapuniwa uñjasiraki uka jisk’achasïwinakaxa llakiskaña jani walt’äwiwa, ukatakiwa irnaqañaxa wakisiraki uka kamachinakasa*. Uka jani walt’äwiwa t’uqinuqtayarakchitu, janiwa khuskhachasiñaru irpchituti ukata chiqanxa pata pampa jaqinakaruwa jisk’achäwinaka puriraki, ukhamarakiwa uka larama jaqi masinakasaru, nayra achachila awicha arkanakaparuwa jisk’achäwi purisiraki.
Uka I Encuesta Nacional ‘Percepciones y Actitudes sobre Diversidad Cultural y Discriminación Étnico-Racial’ yatxatäwina niya 53% chani jaqinakawa Perú marka masinakasa jisk’achasirinakapatapa qhananchapxi, ukata 8% jaqinakarakiwa jupanaka pachpa jisk’achasirinakapatapa qhananchapxaraki. Ukhama jupanaka pachpa jisk’achasirinakapatapa ukata jisk’achasirinakaru qhananchirinakata uka jisk’achasiña tuqita suma qhananchasi, ukhampachasa jani jisk’achasiririwa tukupxtana ukhamatraki uka jisk’achäwinaka chhaqtayañataki mayachasïwinaka wakisiraki.
Perú markasana uka jisk’achäwinaka tuqita añayasiña kamachinaka janiwa sinti ch’amanchasiti ukhamata uka jaqi kankañata ukata uñanaqasata jisk’achäwi utji, ukhamata jisk’achäwinaka utjipansa imxatasiñawa utjaraki. Aka jani walt’äwinaka sapa kutitjama jisk’achäwinaka imxatasiña sarayasiraki ukata ukhama jisk’achasiña wiñaya jani chhaqtirjama sararaki. Chiqanxa utjarakiwa:
Perú marka masinaka kawkhanakansa jisk’achata uñjasipxi, qullaña utanakana (22%), palla pallamaka utana (19%) ukata Alcalde utanakana (14%).
(I Encuesta Nacional, 2017)
- Uka jani walt’äwinaka qhananchaña asq’arañawa;
- Jisk’achäwinaka imxatasiña, jisk’achaña arjäwinaka;
- Jisk’achäwinaka añayaña jani yatita;
- Yatiyäwinaka taypina jisk’achasiña arunaka sarayaña,
- Jisk’achasïwinaka jani qhananchaña jamuqanaka utjatapa, ukata
- Jisk’achäwinaka juchachañanaka mayachäwinakasana jani utjatapa
Juk’ampi yatxataskakiñataki:
Jisk’achawinakaxa utjiwa jisk’a qullqinipana (32%), isi isisitatjama (25%), arst’asipatjama (26%), uñanaqapatjama (21%) ukata larama ajanupatjama (19%).
(I Encuesta Nacional, 2017)